Bakit kaya tayo pinagtatagpo,
Ng mga taong aalis at lalayo?
Bakit sa walong bilyong nabubuhay sa mundo,
Doon ka mahuhulog sa maling tao?
May mga taong aalis ng walang paalam,
Mga taong mahal mo kahit di nila alam.
Mga taong saya ang gustong maramdaman,
Mga taong oras at atensyon ang inaasam.
Bakit kaya tayo pinagtatagpo,
Ng mga taong sabi mahal ka pero ang bilis sumuko?
Bakit sa walong bilyong nabubuhay sa mundo,
Doon ka mahuhulog sa taong hindi kailanman magiging sayo?
May mga taong dumaan pero hindi nanatili,
Mga taong ipinaglaban mo ngunit hindi ikaw ang pinili.
May mga taong nalunod sa lungkot at pighati,
Mga taong puso ay laging sawi.
Panandaliang saya, permanenteng sakit,
Hindi mo alam ang rason kung bakit.
Sadyang may mga taong kahit anong iyong pilit,
Kahit kailan hindi mo makakamit.
Maria Anna P. Leyte | Regina Lucis College
Comments